Оқуға құштар мектеп

Джанни Родаридің «Джельсомино Суайттар елінде» шығармасы. 

«Оқуға құштар мектеп» жобасы аясында Лермонтов атындағы №17 мектеп орта білім беретін мектептің 5 «а» сынып оқушылары сынып жетекшісі С.Нахыпбековамен мектеп кітапханасына биыл жаңадан келген Джанни Родаридің «Джельсомино Суайттар елінде» шығармасын алып оқып, талдап, мазмұнымен бөлісті. 

Бұл шығармада ақырын сөйлегеннің өзінде әуедегі ұшақтың жолаушылары да еститін, ал ән салғанда айналасын қирататын зор дауысты Джельсомино жайлы ертегі. Көршілері Джельсоминоға тыныштық бермейді: олардың кейбірі оны мейірімді сиқыршы десе, басқалары зұлым сиқыршы деп ойлайтын. Бір күні Джельсомино үйінен кетіп, әлемді аралауға жолға шығады. Азды-көпті жүрген соң Суайттар еліне тап болады. Мұндағы тұрғындар, тіпті жануарлар да үнемі өтірік айтуға міндетті екен. Мысықтар үреді, ал иттер мияулайды, аттар мөңіресе, сиырлар кісінейді. Суретші он үш аяғы бар жылқыны, бес өркешті түйені салуға, адамдарды алты көзді, үш мұрынды етіп бейнелеуге мәжбүр...