М. Әуезов «Қараш-Қараш оқиғасы» хикаятын талдау.

«Оқуға құштар мектеп»  жобасы аясында Лермонтов атындағы #17 мектебінің ағылшын тілі бірлестігінің мұғалімдері  мектеп кітапханасынан ағылшын тіліне аударылған М. Әуезовтің   «Қараш- Қараш» шығармасын алып оқып, талдау жасады. 

Шығарма қандай көңіл күй, қандай психологиялық күйзелістен басталатынына тоқталып, Тектіғұл өліміне  не себеп болғаны, інісінің өлімі Бақтығұлға қалай әсер еткені туралы әңгіме өрбіді. 

Парасатты кейіпкер Бақтығұл бейнесін енді қилы-қилы замандарда басына түскен ауыртпалықтан еш мойымағаны, қасқайып тұрып күресіп өткен,  мәңгілік ел болу мұратынан айнымаған қазақ халқының өзін көруге болатыны сөз болды.