«Бір ел—бір кітап» акциясы аясында Б.Соқпақбаевтың «Балалық шаққа саяхат» шығармасын талдау.

Лермонтов атындағы №17 жалпы орта білім беретін мектебінің 8 «а» сынып оқушылар арасында сынып жетекшісі Ш.Омарбекованың ұйымдастыруымен «Оқуға құштар мектеп» жобасы «Балалар кітапханасы» бағдарламасы аясында  Б.Соқпақбаевтың «Балалық шаққа саяхат» шығармасына талдау жасалды. 

Мақсаты: Б.Соқпақбаевтың шығармаларын  насихаттай отырып  оқушылардың кітап оқуға деген қызығушылығын арттыру. Өз ойын еркін жеткізе білуге, әдебиетке баулу. 

«Балалық шаққа саяхат» шығармасын автор  өз өмірінен алып,  шебер суреттеген. Ашаршылық пен жетімдіктің зардабын тартқан жазушы «Балалық шаққа саяхат» повесінде балалық шағының қиындыққа толы болғанын жеткізген,  ұзақ уақыт ауырған анасы көз алдында өмірден өтеді.

 Бұл шығармада сегіз жасар  бала Бердібектің бір үзім нан үшін ауыр жұмыс істеп, жетімдіктің зардабын тартқан күндері бейнеленеді. 

Оқушылар балалар әдебиетінің алып бәйтерегі Б.Соқпақбаетың шоқтығы биік туындысымен танысып, шығармадағы шынайы суреттелген оқиғаны баяндады.